രാജ്യാന്തര വിമാന സർവീസുകൾക്കുള്ള വിലക്ക് ഓഗസ്റ്റ് 31 വരെ നീട്ടിയതായി ഡിജിസിഎ. “എന്നിരുന്നാലും, സാഹചര്യങ്ങളുടെ അടിസ്ഥാനത്തിൽ യോഗ്യതയുള്ള അതോറിറ്റി തിരഞ്ഞെടുത്ത റൂട്ടുകളിൽ അന്താരാഷ്ട്ര ഷെഡ്യൂൾഡ് വിമാനങ്ങൾ അനുവദിച്ചേക്കാം,” എന്നും ഡിജിസിഎ പ്രസ്താവനയിൽ കൂട്ടിച്ചേർത്തു.രാജ്യാന്തര ഓൾ‌ കാർഗോ വിമാനങ്ങൾക്കും ഡി‌ജി‌സി‌എ പ്രത്യേക അംഗീകാരം നൽകിയ വിമാനങ്ങൾക്കും ഈ നിയന്ത്രണം ബാധകമല്ലെന്നും പ്രസ്താവനയിൽ‌ പറയുന്നു. കോവിഡ് -19 രോഗബാധ പൊട്ടിപ്പുറപ്പെട്ടതിനെത്തുടർന്ന് 2020 മാർച്ച് 23 മുതൽ ഷെഡ്യൂൾ ചെയ്ത അന്താരാഷ്ട്ര വാണിജ്യ യാത്രാ സേവനങ്ങൾ രാജ്യത്ത് നിർത്തിവച്ചിരിക്കുകയാണ്. കഴിഞ്ഞ വർഷം മുതൽ വന്ദേ ഭാരത് മിഷനു കീഴിൽ അന്താരാഷ്ട്ര വിമാന സർവീസുകൾ പ്രവർത്തിക്കുന്നുണ്ട്. യുഎസ്, യുകെ, യുഎഇ എന്നിവയുൾപ്പെടെ 24 രാജ്യങ്ങളിലേക്ക് “എയർ ബബിൾ” കരാർ പ്രകാരം ഇന്ത്യ അന്താരാഷ്ട്ര വിമാനങ്ങൾ സർവീസ് നടത്തുന്നു