യു.​എ​സി​ലേ​ക്കു​ള്ള കു​ടി​യേ​റ്റം ത​ട​യു​മെ​ന്ന് സ​മ്മ​തി​ച്ച​താ​യു​ള്ള നി​യു​ക്ത പ്ര​സി​ഡ​ന്റ് ഡൊണാൾഡ് ട്രം​പി​ന്റെ വാദം തള്ളി മെക്സിക്കോ. അമേരിക്കൻ അതിർത്തികൾ അടക്കില്ലെന്നും സർക്കാരും ജനങ്ങളുമായുള്ള ബന്ധം ശക്തമാക്കുകയാണ് ലക്ഷ്യമെന്നും മെക്സി​ക്ക​ൻ പ്ര​സി​ഡ​ൻ​റ് ക്ലോ​ഡി​യ ഷെ​യ്ൻ​ബോം പാ​ർ​ദോ വ്യക്തമാക്കി. അ​ന​ധി​കൃ​ത കു​ടി​യേ​റ്റം അ​വ​സാ​നി​പ്പി​ച്ചി​ല്ലെ​ങ്കി​ൽ കാ​ന​ഡ​യു​ടെ​യും മെ​ക്സി​കോ​യു​ടെ​യും ഇ​റ​ക്കു​മ​തി​ക്ക് നി​കു​തി കു​ത്ത​നെ ഉ​യ​ർ​ത്തു​മെ​ന്ന ട്രം​പി​ന്റെ മു​ന്ന​റി​യി​പ്പി​ന് പി​ന്നാ​ലെ​യാ​ണ് ഇ​രു രാജ്യങ്ങളിലേയും പ്രസിഡന്റുമാരുടെ വാ​ദ​പ്ര​തി​വാ​ദം.

മെക്സിക്കോയിലൂടെ അമേരിക്കയിലേക്കുള്ള കുടിയേറ്റം നിർത്താൻ ക്ലോഡിയ ഷെയ്ൻബോം സമ്മതിച്ചുവെന്ന തരത്തിൽ കഴിഞ്ഞ ദിവസം ട്രംപിന്റെ അനുകൂലികൾ ചില വാർത്തകൾ പുറത്ത് വിട്ടിരുന്നു. അതെ സമയം തെക്കൻ അതിർത്തി വഴിയുള്ള കുടിയേറ്റക്കാരുടെയും നിരോധിത മയക്കുമരുന്നിൻ്റെയും ഒഴുക്ക് തടയാൻ മെക്‌സിക്കോ വേണ്ടത്ര നടപടിയെടുക്കുന്നില്ലെന്നത് നേരത്തെ മുതൽ ട്രംപ് ആരോപിച്ചിരുന്നു . മെക്‌സിക്കോയിൽ നിന്ന് യുഎസിലേക്ക് വൻതോതിൽ എത്തുന്ന ഫെൻ്റനൈലിന് 10% അധിക തീരുവ ചുമത്തുമെന്നും ട്രംപ് ഭീഷണിപ്പെടുത്തി.

ചൈനീസ് അസംസ്കൃത വസ്തുക്കൾ ഉപയോ​ഗിച്ച് മെക്സിക്കോയിൽ അനധികൃത ഫെൻ്റനൈൽ നിർമ്മിക്കുകയും തുടർന്ന് മയക്കുമരുന്ന് മാഫിയകൾ അത് അതിർത്തി കടത്തുകയും ചെയ്യുന്നുവെന്നാണ് ദീ‍ഘകാലമായി അമേരിക്കൻ ഉദ്യോ​ഗസ്ഥ‍ർ ചൂണ്ടിക്കാണിക്കുന്നത്. ഹെറോയിനേക്കാൾ 50 മടങ്ങ് വരെ ശക്തിയുള്ളതും ചെറിയ അളവിൽ മാരകമായേക്കാവുന്നതുമായ ഒരു സിന്തറ്റിക് ഒപിയോയിഡായ ഫെൻ്റനൈൽ ലക്ഷക്കണക്കിന് അമേരിക്കക്കാരുടെ ജീവനാണ് ഇതുവരെ അപഹരിച്ചത്.