ഭാവന സ്റ്റുഡിയോസിന്റെ ബാനറിൽ ഗിരീഷ് എ ഡി സംവിധാനം ചെയ്യുന്ന
പുതിയ ചിത്രം പ്രേമലുവിന്റെ ട്രെയ്ലർ പുറത്ത്. തണ്ണീര് മത്തന് ദിനങ്ങള്, സൂപ്പര് ശരണ്യ തുടങ്ങിയ ചിത്രങ്ങളിലൂടെ ശ്രദ്ധേയനായ ആളാണ് ഗിരിഷ് എ ഡി. നസ്ലിന്, മമിത ബൈജു, മീനാക്ഷി രവീന്ദ്രൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
റൊമാന്റിക്-കോമഡി ഴോണറിലാണ് ചിത്രം എത്തുന്നത്. ഗിരീഷിനൊപ്പം കിരൺ ജോസിയും ചേർന്നാണ് തിരക്കഥയൊരുക്കിയിരിക്കുന്നത്.
അജ്മൽ സാബു ഛായാഗ്രഹണവും ആകാശ് ജോസഫ് വർഗീസ് ചിത്രസംയോജനവും നിർവഹിച്ചിരിക്കുന്നു. ‘ഗപ്പി’, ‘അമ്പിളി’, ‘തല്ലുമാല’ തുടങ്ങിയ ചിത്രങ്ങൾക്ക് ശേഷം വിഷ്ണു വിജയ് സംഗീത സംവിധാനം ചെയ്യുന്ന ചിത്രം കൂടിയാണ് പ്രേമലു. ഹൈദരാബാദിന്റെ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്.