ഗർഭ നിരോധന ഗുളികകൾ നിരോധിച്ച് അമേരിക്കൻ സ്റ്റേറ്റ്. ടെക്സാസിലെ വ്യോമിംഗ് സ്റ്റേറ്റ്. ഡോക്ടർമാർ ഗർഭ നിരോധന ഗുളികകൾ നിർദേശിക്കുന്നതും, വിൽക്കുന്നതും നിരോധിച്ചാണ് ഉത്തരവ്. നിയമം ലംഘിച്ചാൽ ആറുമാസം വരെ തടവും 9000 യു എസ് ഡോളർ പിഴയുമാണ് ശിക്ഷ. റിപ്പബ്ലിക്കൻ പാർട്ടിക്കാണ് വ്യോമിംഗിൽ ഭരണം. തീരുമാനത്തിനെതിരെ മനുഷ്യാവകാശ പ്രവർത്തകർ രംഗത്തെത്തി. അമേരിക്കയിലെ ചില സംസ്ഥാനങ്ങൾ നേരത്തെ ഗർഭഛിദ്രം നിരോധിച്ച് ഉത്തരവ് ഇറക്കിയിരുന്നു.ജൂലൈ 1 മുതൽ നിയമം പ്രാബല്യത്തിൽ വരും.
അതെ സമയം ആരോഗ്യമോ ജീവനോ അപകടത്തിലായ ഒരു സ്ത്രീയെ സംരക്ഷിക്കുന്നതിനുള്ള ഗുളികകളോ ചികിത്സയോ ഇതിൽ ഉൾപ്പെടുന്നില്ല.
നിലവിൽ അംഗീകൃത മെഡിക്കൽ മാർഗ്ഗനിർദ്ദേശങ്ങൾക്കനുസരിച്ച് സ്വാഭാവിക ഗർഭം അലസൽ ചികിത്സയും ഈ നിയമത്തിനു കീഴിൽ ഉൾപ്പെടില്ല. അതെ സമയം വ്യോമിംഗ് അമേരിക്കൻ സിവിൽ ലിബർട്ടീസ് യൂണിയൻ (ACLU) അഡ്വക്കസി ഡയറക്ടർ അന്റോണിയോ സെറാനോ ബില്ലിനെ വിമർശിച്ചു, “ഒരു വ്യക്തിയുടെ ആരോഗ്യം, രാഷ്ട്രീയമല്ല, പ്രധാന മെഡിക്കൽ തീരുമാനങ്ങളെ നയിക്കണം – ഗർഭച്ഛിദ്രം നടത്താനുള്ള തീരുമാനം ഉൾപ്പെടെ”. അദ്ദേഹം പറഞ്ഞു.
ഗർഭച്ഛിദ്രം നിയമവിധേയമാക്കുന്ന 1973 ലെ റോയ് വി വേഡ് വിധി സുപ്രീം കോടതി റദ്ദാക്കിയതിന് ശേഷം ഗർഭച്ഛിദ്ര നിരോധനത്തെച്ചൊല്ലിയുള്ള നിയമപോരാട്ടങ്ങൾ നടക്കുന്ന നിരവധി സംസ്ഥാനങ്ങളിലൊന്നാണ് വ്യോമിംഗ് സംസ്ഥാനം. ഒരു ഡസനിലധികം സംസ്ഥാനങ്ങൾ ഗർഭച്ഛിദ്രത്തിന് ഏകദേശം സമ്പൂർണ നിരോധനം ഏർപ്പെടുത്തിയിട്ടുണ്ട്, അവയിൽ പലതും കോടതികൾ നിർത്തിവച്ചിരിക്കുകയാണ്.
അതേസമയം, ടെക്‌സാസിൽ, മുൻ പ്രസിഡന്റ് ഡൊണാൾഡ് ട്രംപിന്റെ നിയമിതനായ ജഡ്ജി മാത്യു കാക്‌സ്‌മാരിക്, പൊതുവെ ഉപയോഗിക്കുന്ന ഗർഭച്ഛിദ്ര ഗുളികയായ മൈഫെപ്രിസ്റ്റോൺ യുഎസിൽ വിൽക്കണമോ എന്ന കാര്യത്തിൽ ഉടനടി വിധി പറയുമെന്ന് അന്താരാഷ്ട്ര മാധ്യമങ്ങൾ റിപ്പോട്ട് ചെയ്യുന്നുണ്ട്.
