കോവിഡ് വാക്സിനെടുത്ത് ഒരു ദശലക്ഷം ഡോളര് സമ്മാനം നേടി യുവതി. ഓസ്ട്രേലിയയില് ജോലി ചെയ്യുന്ന ചൈനീസ് പൗരയായ ജോആൻ സൂവിനാണ് മുപ്പത് ലക്ഷം പേരില് നിന്നും ഭാഗ്യം തേടിയെത്തിയത്. എകദേശം അഞ്ച് കോടി രൂപയോളം വരുന്ന സമ്മാനത്തുക കിട്ടിയതിന്റെ ആഹ്ലാദത്തിലാണ് സൂ. ഓസ്ട്രേലിയയിലെ വാക്സിനേഷൻ പ്രക്രിയയെ ദ്രൂതഗതിയിലാക്കാനായി മനുഷ്യസ്നേഹികളുടെയും വിവിധ കമ്പനികളുടെയും കൂട്ടായ്മയായ മില്ല്യണ് ഡോളര് വാക്സ് ആലയൻസാണ് കോവിഡ് വാക്സനെടുക്കുന്നവര്ക്കായി ലോട്ടറി അവതരിപ്പിച്ചത്.
സമ്മാനം കിട്ടുന്ന തുക ഉപയോഗിച്ച് തന്റെ കുടുംബാംഗങ്ങളെ ചൈനയ്ക്ക് പുറത്ത് വിമാനത്തില് യാത്ര നടത്താനും പഞ്ചനക്ഷത്ര ഹോട്ടലില് താമസിപ്പിക്കാനും ആഗ്രഹമുണ്ടെന്നും സൂ പറഞ്ഞു. കുടുബാംഗങ്ങള്ക്ക് ഉപഹാരങ്ങള് വാങ്ങി നല്കാനും സ്ഥിരനിക്ഷേപങ്ങള് തുടങ്ങാനുമായി സമ്മാനത്തുക ഉപയോഗിക്കുമെന്നും അവര് വ്യക്തമാക്കി.