ഇംഗ്ലണ്ട് ദേശീയ ഫുട്‌ബോൾ ടീമിന്റെ മുൻ പരിശീലകനായ സ്വെൻ ഗൊരാൻ എറിക്സൺ അന്തരിച്ചു. 76 വയസായിരുന്നു. ക്യാൻസർ ബാധിതനായി ചികിത്സയിലായിരുന്നു അദ്ദേഹം. 27-ആം വയസ്സിൽ കളിക്കളത്തോടു വിട പറഞ്ഞ ശേഷം എറിക്സൺ 1977-ൽ ഡെഗർഫോഴ്സിനൊപ്പം തൻ്റെ മാനേജർ ജീവിതം ആരംഭിച്ചു, സ്വീഡിഷ് ടീമായ ഗോഥെൻബർഗിൽ ചേരുന്നതിന് മുമ്പ്, അവിടെ അദ്ദേഹം സ്വീഡിഷ് കിരീടവും രണ്ട് സ്വീഡിഷ് കപ്പുകളും 1982 യുവേഫ കപ്പും നേടി.
പിന്നീട് പോർച്ചുഗീസ് ഭീമൻമാരായ ബെൻഫിക്കയ്‌ക്കൊപ്പം ഇറ്റാലിയൻ ടീമുകളായ റോമ, ഫിയോറൻ്റീന, സാംപ്‌ഡോറിയ, ലാസിയോ തുടങ്ങിയ ക്ലബ്ബ്കളെ പരിശീലിപ്പിച്ച് – അവിടെ സീരി എ കിരീടവും രണ്ട് ഇറ്റാലിയൻ കപ്പുകളും യൂറോപ്യൻ കപ്പ് വിന്നേഴ്‌സ് കപ്പും ഉൾപ്പെടെ ഏഴ് ട്രോഫികൾ അദ്ദേഹം നേടി. മെക്സിക്കോ, ഐവറി കോസ്റ്റ് ടീമുകളെ പരിശീലിപ്പിച്ച അദ്ദേഹം ഇംഗ്ലണ്ടിന്റെ ആദ്യ വിദേശ പരിശീലകനായി 2001 – ൽ ചുമതലയേറ്റു. മാഞ്ചസ്റ്റർ സിറ്റി, ലെസ്റ്റർ സിറ്റി, എഎസ്‌ റോമ, ലാസിയോ, ബെൻഫിക്ക ഉൾപ്പെടെയുള്ള 18 ക്ലബ്ബുകളെ സ്വെൻ പരിശീലിപ്പിച്ചിട്ടുണ്ട്‌. പരിശീലകനായി 18 കിരീടങ്ങളാണ്‌ വിവിധ ടീമുകളോടൊപ്പം എറിക്സൺ നേടിയത്.
